Jalapeno er eldpipar af ættinni Capsicum annuum. Eldpipar og paprikur eru þurraldin og flokkast grasafræðilega sem ber, en þar sem fræin eru ekki umlukin neinu aldinkjöti þá vaxa þau í himnum á innanverðum aldinveggjunum.
Bragðefnið sem gefur tilfinninguna um að kveiknað sé í munni þess sem leggur sér hann til munns heitir capsaicin og vex á innan verður aldininu. Capsaicin finnst í mestu magni á himnunni sem umlykur fræ eldpipra. Paprikur sem eru af sömu tegund innihalda lítið sem ekkert capsaicin. Bragðefni þetta hefur eflaust þróast sem varnarviðbragð plöntunnar við ágangi spendýra til að fuglar geti auðveldlega sótt í aldinin og dreift fræjunum víða, en fuglar eru ónæmir fyrir bragðefni eldpipra og því sólgnir í þá. En í staðin fyrir að fæla okkur mannfólkið frá er það einmitt þetta bragðsterka efni það sem laðar hvað flesta að eldpiprunum.
Aldinið tekur um 10 – 11 vikur að þroskast í fullrautt aldin, en það er oftast uppskorið grænt til matreiðslu eða súrsunar. Mesti hitinn myndast þegar aldinið þroskast í sinn hárauða lit. Jalapeno er oftast flokkaður sem mildur eldpipar en þó getur hitinn verið breytilegur eftir ræktunaraðferðum, umhverfisaðstæðum og afbrigði.