Laugarland

Garðyrkjustöðin Laugarland á Flúðum er fjölskyldufyrirtæki og er rekið af Rafni Emilssyni. Faðir hans Emil Gunnlaugsson stofnaði garðyrkjustöðina Laugarland árið 1955.

Laugarland er einn stærsti ræktandi steinselju á landinu og sendir á markaðinn um 2000 búnt á viku.

Um sjö ársverk eru í garðyrkjustöðinni Laugarlandi og eru gróðurhúsin um 6000 fermetrar. Í 5500 fermetrum eru ræktaðar rósir og 500 fermetrar eru fyrir steinselju. Steinseljuæktunin er undir raflýsingu allt árið og gróðurhúsin eru hituð upp með jarðhita.