Sætar paprikur eru ílengri og sætari en venjulegar paprikur. Henta frábærlega í salatið, á grillið, út í súpuna, á ostabakkann eða bara sem bragðgóður aðalréttur. Hægt er að borða sætar paprikur beint úr pokanum og hægt að skera niður sem laugardagsnammi. Grillaðar sætar paprikur eru góðar með kjötinu eða til að bæta út í súpuna eða kássuna og gefa fallegan rauðan lit.

Ræktun á sætum paprikum svipar mjög til ræktunar á stórum paprikum en vega ekki nema um 100-130 gr. hver. Sætar paprikur eru algengastar rauðar en eru einnig til appelsínugular, gular og brúnar. Hver litur hefur sitt bragð, stærð og áferð. Auðvelt er að fræhreinsa sætar paprikur með því að skera þær upp langsum og fletta upp, þannig má fjarlægja toppinn og fræfylgjuna auðveldlega. Sætar paprikur eru alveg lausar við allt capsaicin sem eldpiprar innihalda og eru því ekki sterkar á bragðið.