Nípur hafa verið ræktaðar í Evrópu frá fornu fari. Nípan tilheyrir sveipjurtaætt og er því skyld gulrótum, selleríi og ýmsum kryddjurtum eins og steinselju, dill og kóríander. 

Plantan myndar langa kremhvíta rót með mildum og sætsúrum bragðkeim. Nípur voru áður ein helsta uppspretta náttúrulegrar sætu í matargerð áður en sykur varð algengur.

Nípan er líka kölluð pastinakka eða pastínakka – það er það sem hún er kölluð á Norðurlöndunum og hefur stundum verið notað í íslensku.

Nípan þrífst best í köldu og röku loftslagi og telst harðgerð rótarjurt. Í mörgum löndum er hún uppskorin síðla hausts og jafnvel eftir fyrsta frost, þar sem frostið getur aukið sætuna í rótinni.

Það eru bændurnir Linda Guðmundsdóttir og Jón Ingi Ólafsson í Þurranesi í Dalabyggð sem rækta þessar ljúffengu nípur undir vörumerkinu Dalarætur.