Spergil- og blómkálsgratín
Höfundur: Nanna Rögnvaldardóttir
- 800 g blómkál
- 300 g spergilkál
- 300 g hvítkál
- Salt
- 50 g smjör
- 3 msk hveiti
- 1 msk ferskt timian, saxað
- Hvítur pipar
- 1 ostarúlla með beikon og paprikulöndu frá Ostahúsinu
Ofninn hitaður í 180°C
Blómkál og spergilkál tekið sundur í stóra kvisti og stönglarnir skornir í sneiðar.
Hvítkálið skorið í ræmur eða bita. Saltvatn hitað í stórum potti og kálið soðið í 5-8 mínútur, eða þar til það er tæplega meyrt – best er að setja kálstönglasneiðarnar í pottinn fyrst og láta þær sjóða ögn lengur en hitt.
Á meðan er smjörið brætt í öðrum potti, hveitinu hrært saman við og síðan er mjólkinni hrært saman við smátt og smátt og sósan bökuð upp.
Kryddað með timían, pipar og salt og látið malla í nokkrar mínútur.
Vatninu hellt af kálinu og það sett í eldfast fat. Ostarúllan skorin í bita, sett út í sósuna og hrært þar til osturinn er bráðinn.
Sósan á að vera þykk en ef hún er of þykk má þynna hana ögn með mjólk. Hellt jafnt yfir kálið.
Sett í ofninn og bakað í 25-30 mínútur, eða þar til gratínið er gullinbrúnt.
Sjá nánar
