Salkjöt og baunir

Alltaf gott

Höfundur: Jenný Guðbjörg Hannesdóttir

Innihaldslýsing:
  • Saltkjöt

  • 600 gr gular baunir

  • 1,5 L vatn

  • 50 gr beikon

  • 20 gr grænmetiskraftur

  • 1 laukur

  • 450 gr rófur

  • 450 gr gulrætur

  • 450 gr kartöflur

Leiðbeiningar:

Baunirnar eru lagðar í bleyti í 12-24 tíma fyrir suðu, passið að leggja þær í bleyti í nægu vatni þar sem þær draga í sig mikið vatn.

Hellið vatninu af baununum og skolið þær.

Skerið laukinn í bita eftir smekk, setjið baunir, vatn, grænmetiskraft og 1-2 saltkjötsbita ef vill með í pott og látið suðuna koma upp.

Fleytið froðunni af súpunni.

Sjóðið í 1 klst.

Skerið rófur, gulrætur og kartöflur í bita og bætið út í súpuna ásamt beikoninu og sjóðið áfram í 1 klst.

Kartöflurnar má einnig sjóða sér í potti og bera fram með súpunni.

Saltkjötið er soðið í sér potti og borið fram með súpunni.