Rófusúpa

Full af C vítamíni

Höfundur: Sigurveig Káradóttir

Innihaldslýsing:
  • 900 g rófur

  • 4 -5 msk ólífuolía

  • 150 g laukur

  • 100 g sellerí

  • 1 ltr kjúklingakraftur/grænmetiskraftur

  • 2 tsk kumminfræ (cumin)

  • 1-2  tsk túrmerik

  • Lárviðarlauf
  • 1/4 -1/2 tsk cayennepipar

  • Hvítur pipar

  • Sjávarsalt 

  • 200 ml þeyttur rjómi ef vill

Leiðbeiningar:

Laukurinn og selleríið skorið smátt og sett í pott ásamt ólifuolíunni og örlitlu sjávarsalti.

Látið glærast við meðalhita, en þá er smátt söxuðum hvítlauk og kumminfræjum bætt saman við ásamt smátt skornum rófunum.

Kraftinum bætt í pottinn ásamt lárviðarlaufum og kryddum.
Látið malla þar til allt er orðið meyrt.

Þá eru láviðarlaufin veidd upp úr, súpan maukuð og smökkuð til.

Krydduð meira ef þurfa þykir og þeyttum rjómanum bætt saman við rétt áður en súpan er borin fram.