Snakkgulrætur

Jan

Feb

Mar

Apr

Maí

Jún

Júl

Ágú

Sep

Okt

Nóv

Des

Íslenska grænmetisdagatalið

Litlar, sætar og góðar 😉

Snakkgulrætur hafa ávallt verið vinsælar og eru frábært hollustusnakk. Það er líka gaman að segja frá því að með vinnslu á þeim þá er verið að fullnýta uppskeru grænmetisbóndans og koma þar af leiðandi líka í veg fyrir matarsóun. Gulræturnar eru allar jafn góðar hvort sem þær eru litlar, stórar eða mismunandi í lögun.

Askjan er hentug í stærð og inniheldur 150g af góðum safaríkum gulrótum.

Geymsla

Snakkgulrætur hafa ekki langan líftíma þar sem búið er að fjarlægja ysta lagið sem ver þær fyrir þornun. En í öskjunni ná þær að haldast góðar allt að 7 – 10 daga.
Best er að geyma þær í kæli við 4°C í lokaðri öskjunni.

Notkun

Snakkgulrætur eru ljúffengt hollustusnakk. Einnig er tilvalið að rétta litlum fingrum gulrót að narta í 😉

Má frysta gulrætur?

Já, ef þær hafa verið soðnar í 3-4 mínútur. Hins vegar er óþarft að mæla með því, íslenskar gulrætur eru fáanlegar allt árið á hagstæðu verði.

Innihald í 100 g	Vatn 89 g

Næringargildi í 100 g
Orka	141 kj
	33 kcal
Fita	0,4 g
Þar af mettuð	0,08 g
Kolvetni	5,5 g
Þar af sykurtegundir	4,7 g
Trefjar	2,7 g
Prótein	0,7 g
Salt	0,03 g

		NV*
A vítamín	588 µg	70%

* Hlutfall af næringarviðmiðunargildum

Í gulrótum er mikið af litarefniu karóten og því stærri og litsterkari sem ræturnar eru, þeim mun meira karóten er í þeim. Karóten breytist yfir í A-vítamín í líkamanum, sem meðal annars er mikilvægt fyrir sjónina, húðina og slímhimnur líkamans. Auk þess er í gulrótum B- og C-vítamín ásamt mikilvægum steinefnum eins og kalí, kalki, járni og fosfór.

Aftur á vörusíðu