Smágúrkur

Jan

Feb

Mar

Apr

Maí

Jún

Júl

Ágú

Sep

Okt

Nóv

Des

Íslenska grænmetisdagatalið

Smágúrkur eru afbrigði af gúrkum sem hafa það sérkenni að aldinin eru sérlega smá þegar fullum þroska er náð.
Gúrkurnar eru týndar af plöntunni þegar ákveðinni stærð er náð til að halda sem bestum bragðgæðum.
Smágúrkur eru ræktaðar allt árið á Íslandi og þykja einstaklega góðar og bragðmiklar. Smágúrkur eru tilvaldar í nestiboxið eða sem hollur biti fyrir börn og fullorðna.
Fáðu þér smá gúrku.

Geymsla

Góðar og heilbrigðar gúrkur geymast í rúma viku án þess að dragi úr gæðum ef aðstæður í geymslunni eru réttar, en fljótt getur dregið úr geymsluþoli ef svo er ekki.

Besti geymsluhiti fyrir gúrkur er 12°C. Þeim er mjög hætt við kæliskemmdum ef hitinn fer undir 10°C en hafi þær verið geymdar við lægri hita er réttast að halda honum eins út geymslutímann, því gúrkur spillast fljótt við stofuhita eftir slíka meðhöndlun.Best er því að geyma gúrkur heima á svölum stað, t.d. á þeim stað í ísskápnum þar sem kuldinn er minnstur.

Best er að pakka gúrkunni vel inn í plast, loka vel fyrir sárið eftir að búið er að skera af henni til að koma í veg fyrir að hún þorni upp, og geyma hana í ísskápnum.

Notkun

Gúrkur má nota í flestar gerðir af salati, sem álegg ofan á brauð og til að skreyta kalda og heita rétti. Gúrkur eru góðar í þeytinga. Þær má skera í teninga og blanda saman við rækjusalat, kjúklingasalat, ítalskt salat og fleira. Einnig eru gúrkur góðar með pastaréttum í fisk- og grænmetisrétti. Já, gúrkur eru góðar alltaf og með nánast öllu 😉

Hvaða hluta er hægt að borða?

Af gúrkunni má borða allt. Umfram allt á að borða hýðið, í því er næringargildi gúrkunnar einkum fólgið.

Má frysta gúrkur?

Já, hægt er að frysta gúrku, en hún verður mjúk og vatnsósa. Því er best að skera hana í þunnar sneiðar og frysta (án þes að hita þær áður). Hins vegar er best að borða gúrku ferska.

Innihald í 100 g	Vatn 96 g

Næringargildi í 100 g
Orka	156 kj
	13 kcal
Fita	0,1 g
Þar af mettuð	0 g
Kolvetni	1,9 g
Þar af sykurtegundir	1,9 g
Trefjar	0,9 g
Prótein	0,8 g
Salt	0 g

		NV*

* Hlutfall af næringarviðmiðunargildum

Gúrkur innihalda aðeins eru 12 hitaeiningar í 100 g. Þær eru að 96 hundraðshlutum vatn þannig að þurrefni er aðeins um 4%, því er í raun meira þurrefni í einni gosflösku en einni gúrku. Næringargildið er lágt, en í gúrkum eru A-, B- og C-vítamín auk nokkurs af kalki og járni.

Aftur á vörusíðu