Heiðmerkursalat er mjög bragðgott blaðsalat (Batavia) af tegundinni Afficion. Salatið er ræktað í rennum og fær rennandi næringarlausn og vaxtarlýsingu. Það er mjög fljótvaxið, tekur aðeins um 6 vikur frá sáningu að uppskeru, í 16 – 18 °c ræktunarhita í mold.

Kjörhitastig eftir uppskeru salatsins er 2 – 4 °c og gott er að geyma það upprétt í ísskáp, halda moldinni rakri og klippa af plöntunni það magn sem þarf hverju sinni. Með þessu móti á salatið að endast mun lengur en ella.