Tacos með kjúklingi

Kjúklingabringurnar skornar í þunnar sneiðar þvert yfir, kryddaðar með mexíkókryddblöndu, pipar og salt.

Steiktar í olíunni í 5-6 mínútur, eða þar til þær eru steiktar í gegn.

Þá er pannan tekin af hitanum og límónusafa dreypt yfir kjúklinginn.

Tacoskeljarnar hitaðar í ofni eða örbylgjuofni.

Tómatarnir skornir í tvennt, fræin skafin úr þeim og þeir síðan skornir í litla bita.

Gúrkan skorin í teninga.

Dálítið af tómötum og gúrku sett í tacoskeljarnar, nokkrum kjúklingabitum raðað ofan á, síðan 2-3 þunnum sneiðum af ostarúllu, tacosósu ausið yfir og borið fram á salatbeði ásamt sítrónubátum.