Djúpsteiktar gúrkur
Höfundur: Ylfa Helgadóttir
1 krukka sýrðar gúrkur eða gúrka sem búið er að leggja í pækil
3, 2, 1, hlutföll edik, vatn, sykur
2 dl brauðraspur
1 egg
½ dl mjólk
1 dl hveiti
5 dl djúpsteikingarolía
Gráðaostasósa
1 dl gráðaostur
1 dl majones
1 dl sýrður rjómi
1 hvítlaukur
Salt og pipar
Safi úr 1 sítrónu
Hveiti sett í skál, egg og mjólk slegið saman í aðra skál, og brauðraspur settur í þriðju skálina.
Pikkluðu gúrkurnar eru skornar í sneiðar og þær lagðar í hveitið, síðan eggjablöndu og loks brauðrasp.
Olían hituð í þykkbotna pott eða pönnu og þegar hún hefur náð ca 160-180°C gráðum þá eru gúrkurnar settar útí og steiktar þar til gullinbrúnar.
Veiddar uppúr pottinum og lagðar á pappír eða viskustykki og olíunni leyft að leka úr.
Majones, sýrður rjómi og gráðaostur er sett í ská og ostur mulin gróflega með gaffli.
Hvítlaukur raspaður útí og smakkað til með salti, sítrónu og pipar.
Sjá nánar
