Ofnbökuð blómkálssúpa

Ljúffeng og góð

Höfundur: Sigurveig Káradóttir

Innihaldslýsing:
  • 6 – 7 msk ólífuolía
  • 1 kg blómkál
  • 300 g laukur
  • 100 g sellerí
  • 4-5 hvítlauksrif
  • 1 ltr grænmetissoð
  • 2-3 tsk túrmerik
  • 1/2 tsk cayennepipar
  • 3-4 lárviðarlauf
Leiðbeiningar:

Blómkálið skorið í bita og velt úr 5-6 msk af ólífuolíu, 1-2 tsk. af sjávarsalti, 1 tsk af hvítum pipar og 2 tsk af túrmerik.

Sett í fat og ofnbakað við 200°C í 20-30 mínútur eða þar til blómkálið er mjúkt og farið að taka lit.

Laukur og sellerí saxað smátt, sett í pott ásamt 1-2 msk af ólífuolíu og ögn af sjávarsalti og látið malla á vægum hita í 5-6 mínútur eða þar til það hefur linast ögn.

Því næst fer smátt saxaður hvítlaukur í pottinn, næst soðið og loks ofnbakaða blómkálið.

Látið sjóða í 10 mínútur eða þar til allt er orðið lint og vel soðið.
Þá eru lárviðarlaufin veidd úr, súpan maukuð og krydduð til ef þarf.