Rósmaríngulrætur
Með appelsín
Höfundur: Nanna Rögnvaldardóttir

Innihaldslýsing:
500 g gulrætur
250 ml appelsín
1 rósmaríngrein
Nýmalaður pipar
Salt
Leiðbeiningar:
Gulræturnar flysjaðar eða skafnar og skornar í bita á ská.
Settar í pott ásamt appelsín og rósmarín.
Kryddað með pipar og salti, hitað að suðu og látið malla undir loki þar til gulræturnar eru meyrar.
Í staðinn fyrir appelsín má nota appelsínusafa en þá er gott að bæta við dálitlum sykri.