Rækjusalat
Með gúrkum og rauðlauk
Höfundur: Nanna Rögnvaldardóttir
Innihaldslýsing:
1 íslensk gúrka
1 rauðlaukur
Nokkrar svartar eða grænar ólífur
250 g rækjur
1 dós (200 g) kotasæla
1 dós (180 g) hrein jógúrt
1/2 tsk paprikuduft
nýmalaður pipar
salt
söxuð steinselja
Leiðbeiningar:
Frísklegt og hollt rækjusalat sem getur jafnvel verið aðalréttur með grænu salati og góðu brauði.
Gúrkan skorin í mjóa stauta, 3-4 cm langa, eða í teninga.
Rauðlaukurinn saxaður og ólífurnar einnig.
Rækjurnar settar í skál og gúrku, rauðlauk og ólífum blandað saman við.
Síðan er kotasælu og jógúrt hrært saman við, ásamt paprikudufti, pipar, salt og steinselju.
Borið fram með brauði (t.d. rúgbrauði) og smjöri, eða með kexi.
Sjá nánar
