Frönsk antipasti
Salatdiskur
Höfundur: Nanna Rögnvaldardóttir
Innihaldslýsing:
- Grand eða Heiðmerkursalat
- 3-4 íslenskir tómatar, vel þroskaðir
- 1-2 íslenskar paprikur, ferskar eða grillaðar
- 2 – 3 harðsoðin egg
- ½ Höfðingi, Dala-brie eða annar ostur
- Hráskinka eða annað kjötálegg í sneiðum
- Grænar eða svartar ólífur
- ½ knippi fersk basilika
- Nýmalaður pipar
- Sjávarsalt
Leiðbeiningar:
Salatið rifið sundur í blöð, þvegið og þerrað og síðan er blöðunum raðað á stóran, kringlóttan disk eða fat.
Tómatarnir skornir í báta, paprikurnar í ræmur og eggin í báta og osturinn í bita.
Öllu raðað ofan á salatblöðin og basilikuknippi sett í miðjuna.
Kryddað með pipar og sjávarsalti og berið fram með nógu af góðu brauði, annað hvort sem forréttur eða léttur aðalréttur.
Sjá nánar
