Bakaðir tómatar
Kummin og klettasalat
Höfundur: Nanna Rögnvaldardóttir
Innihaldslýsing:
8-10 íslenskir tómatar
1 tsk kummin (cumin)
1 tsk sykur
Nýmalaður pipar
Salt
6 msk ólífuolía
1 poki salatblanda, t.d. íslenskt klettasalat
Parmesanostur (biti)
Leiðbeiningar:
Ofninn hitaður í 220°C.
Tómatarnir skornir í helminga og raðað í eldfast fat með skurðflötinn upp.
Kryddaðir með kummini, sykri, pipar og salti. Settir í ofninn og bakaðir í um 45 mínútur.
Þá er olíunni dreypt jafnt yfir þá og þeir bakaðir í 10-15 mínútur í viðbót.
Látnir kólna þar til þeir eru volgir. Salatblandan sett í skál eða á fat, tómötunum blandað saman við og olíunni úr mótinu hellt yfir.
Nokkrar flögur skornar af parmesanosti og dreift yfir.
Sjá nánar
