Ylrækt er ræktun í gróðurhúsum eða öðru lokuðu rými þar sem hitastiginu er haldið
í samræmi við þarfir plantnanna sem eru í ræktun með upphitun.
Hnattstaða landsins og landfræðileg einangrun gera Ísland fljótt á litið ekki
kjörland garðyrkju en einmitt það ásamt náttúruauðlindum landsins skapa landinu
sérstöðu sem garðyrkjulandi.
Norðlæg lega og einangrun þýðir að hér er fátt innlendra meindýra og sjúkdóma
á
gróðri.
Ylrækt á Íslandi byggir fyrst og fremst á nýtingu jarðhita og fyrsta nýting hans
í garðyrkju var þegar ræktun hófst í náttúrulega heitu landi. Upp úr 1920 hefur
jarðhiti verið nýttur til upphitunar gróðurhúsa en einnig til sótthreinsunar á
jarðvegi.
Ísland er með færustu þjóðum heims hvað ylrækt snertir í dag. Mikil þróunarvinna
hefur átt sér stað síðastliðinn
ár sem hefur m.a leitt til þess að nú í dag getum við fengið ferska íslenska
tómata og gúrkur allt árið og paprikan fylgir fast eftir
Gróðurhúsin eru mjög tæknilega vel búin hægt er að stjórna hitastiginu,
ef það er of kalt er kynt en ef það er of heitt eru gluggarnir opnaðir. Í nútímagróðurhúsi stjórna tölvur loftslaginu og vökvun eftir þörfum plantnanna.
Sum þeirra eru svo tæknilega vel búin að vera með sína eigin veðurathugunarstöð.
Notkun raforku til vaxtarlýsingar hefur aukist úr 1 GWst árið 1984 í 36,3 GWst
árið 2004 og er það svipað og notkun hátt í 4000 heimila. Við ræktun á tómötum
og gúrkum eru notaðar allt að 1000 kWst á m2 á ári.
Alls voru tæpir 176 þúsund m2 af gróðurhúsum skráðir árið 2004 og skipting eftir helstu tegundum var eftirfarandi:
