Basilika

Jan
Feb
Mar
Apr
Maí
Jún
Júl
Ágú
Sep
Okt
Nóv
Des
Íslenska grænmetisdagatalið

Basilika er afar bragðgóð kryddjurt sem á uppruna sinn á Indlandi og barst þaðan til Evrópu fyrir mörgum öldum. Basilíka hefur verið notuð í matargerð í amk 5000 ár og er eins og flestir vita afar vinsæl við Miðjarðarhafið í ítölsku og frönsku eldhúsi.

Færri vita að basilíka er einnig mikið notað í suðaustur Asíu í löndum eins og Thailandi, Víetnam,Malasíu og Kambódíu ofl löndum. Þá er um að ræða önnur afbrigði en þekkjast helst á Ítalíu, en rauð basilíka eða “Thai basil” er þeirra þekktust en einnig sítrónu basilíka.

Ef þið klippið of mikið eða þurfið að geyma fersk blöðin er gott ráð að væta eldhúspappír og leggja basilíkublöðin á og setja síðan í plastpoka og loka, á að geymast í kæli þannig í 1-2 daga.

Geymsla

Geymsla á ferskri basilíku. Best geymist hún í pottinum á passlega björtum stað við stofuhita og vökvuð reglulega en þó ekki of mikið. Klippið af henni blöðin eftir þörfum og þá getur plantan lifað mánuðum saman.

Ártangaplöntur eru í pottum svo þær séu sem ferskastar þegar þú ferð með þær heim. Á meðan þær eru í pottinum fer best um þær við stofuhita. Ef þú klippir þær niður um leið og þú kemur heim geymast þær í kæli, en ekki basilikan, hún þolir aldrei undir 10° þá verður hún fljótt svört og ljót.

Ártangakryddplöntur eru ungar og því geturðu nýtt alla plöntuna og þarft í fæstum tilvikum að taka stilkinn frá. Gott er að nota hana fljótt og vel. Við framhaldsræktun er nauðsynlegt að potta henni upp og gefa henni næringu og mikið ljós til að viðhalda bragðgæðum.

Ef svo óheppilega vill til að plantan þín þornar, ekki henda henni. Klipptu hana af rótinni og leggðu á pappír og þurrkaðu hana alveg. Hún  er bara orðin að þurrkaðri kryddjurt og bragðið er það sama. Sagt er að maður geti aldrei notað of mikið af kryddjurtum, bara of lítið. Ef þú setur bara smá er það bara liturinn sem breytist ekki bragðið.

Notkun

Basilíku er best að borða ferska beint af plöntunni og nota strax, í heitan mat fer hún þá í lok eldunartímans. Basilíka og tómatar eiga afskaplega vel saman ásamt ólífuolíu og er heilög þrenna við Miðjarðarhafið td á Ítalíu.

Setjið heil eða grófsöxuð blöðin í pastarétti,salöt, í súpur, gerið úr þeim pestó, hrærið við mjúkt smjör til að gera kryddsmjör á steikina eða með grilluðum kjúklingi. Njótið með fallegum íslenskum tómötum og Mozzarella osti og gerið “Caprese” salat.

Hvaða hluta er hægt að  borða?

Borða má alla hluta basilikunnar. 
En ef hún er í potti þá ráðleggjum við ekki að borða ræturnar 😉

 

 

Innihald í 100 gVatn 88 g
Næringargildi í 100 g
Orka203 kj
48 kcal
Fita0,8 g
Þar af mettuð0,1 g
Kolvetni7,1 g
Þar af sykurtegundir0 g
Trefjar0 g
Prótein3,1 g
Salt0,02 g
NV*
A vítamín329 µg41%
B2 vítamín0,31 mg22%
C vítamín26µg33%

* Hlutfall af næringarviðmiðunargildum

Uppskriftavefur

Hollar uppskriftir

Í samvinnu við helstu kokka landsins koma reglulega nýjar og hollar uppskriftir á uppskriftarvef Íslenskt.is. Fylgstu með og komdu þér í form.
Uppskriftavefur