Rófu og eplasalat

Mango chutney

Höfundur: Nanna Rögnvaldardóttir

Innihaldslýsing:
  • 1 íslenskur hnúðkálshaus, meðalstór
  • 1 rautt epli
  • 1 1/2 msk mangóchutney, eða eftir smekk
  • 2 tsk Dijon sinnep
  • 1 msk rauð- eða hvítvínsedik
  • 1 msk ólífuolía
  • Nýmalaður pipar
  • Salt
  • Dálítið af vætukarsa (eða steinselju má líka sleppa)
Leiðbeiningar:

Það má líka nota rófu í stað hnúðkáls.

Hnúðkálið snyrt – óþarfi að afhýða það ef það er nýupptekið.

Eplið skorið í fjórðunga og kjarnhreinsað.

Bæði hnúðkál og epli rifið fremur gróft á rifjárni. Ef til er matvinnsluvél með rifjárnsskífu flýtir það óneitanlega fyrir.

Mangóchutney, sinnep, edik, olía, pipar og salt hrært saman í skál, hnúðkáli og eplum velt vel upp úr blöndunni og karsa eða steinselju hrært saman við.

Látið standa í kæli nokkra stund áður en það er borið fram.

Þetta salat er mjög gott með kjúklingi en hentar einnig með ýmsum heitum og köldum kjötréttum