Dill

Jan
Feb
Mar
Apr
Maí
Jún
Júl
Ágú
Sep
Okt
Nóv
Des
Íslenska grænmetisdagatalið

Dill er kryddjurt sem nýtur mikilla vinsælda á Norðurlöndunum og í matreiðslu í austur Evrópu og yfir til mið Austurlanda.

Þekktasta notkun dills er í klassískum graflax og í sósunni sem borin fram. Mest er þó þurrkað dill notað við fjöldaframleiðslu á laxi og full ástæða til að hvetja heimiliskokka til að prófa sig áfram með grafinn lax með fersku dilli sem lyftir bragðinu upp og frískar verulega upp á réttinn.

Dill er líka notað með nýjum soðnum kartöflum,í síldarrétti, í niðursuðu á gúrkum og með fiskréttum td í kryddjurtasalat með fiskinum. Dill er tilvalið í skelfiskrétti í kaldar sósur og með lamba og kálfakjöti.

Jólamatur:  Ferskt dill á vel við graflaxinn, etv er hægt að bæta nokkrum greinum við forréttinn til að bæta við ferkleika í réttinn. Í síldarsalöt er einnig tilvalið að nota ferskt dill.

Kryddjurtasalat er frábært með fiskréttum og ýmsum smáréttum, gröfnum fiski og kjöti.  Búið til einfalda bragðsprengju með því að rífa stilka af dilli og steinselju og skerið ca 2-3 cm langa stilka af graslauk og blandið saman við fíntsaxað salat. Setjið slettu af góðri olíu og kreistið ögn af sítrónusafa yfir og blandið saman. Borðið strax.

Passið ykkur að nota aldrei of lítið af dilli, það er einfaldlega ekki hægt að ofnota þessa fallegu og bragðgóðu kryddjurt.

 

Geymsla

Ártangaplöntur eru í pottum svo þær séu sem ferskastar þegar þú ferð með þær heim. Á meðan þær eru í pottinum fer best um þær við stofuhita. Ef þú klippir þær niður um leið og þú kemur heim geymast þær í kæli, en ekki basilikan, hún þolir aldrei undir 10° þá verður hún fljótt svört og ljót.

Ártangakryddplöntur eru ungar og því er hægt að  nýta alla plöntuna og þarft í fæstum tilvikum að taka stilkinn frá. Gott er að nota þær fljótt og vel. Við framhaldsræktun er nauðsynlegt að umpotta þeim og gefa  næringu og mikið ljós til að viðhalda bragðgæðum.

Ef svo óheppilega vill til að plantan þín þornar, ekki henda henni. Klipptu hana af rótinni og leggðu á pappír og þurrkaðu hana alveg. Hún  er bara orðin að þurrkaðri kryddjurt og bragðið er það sama. Sagt er að maður geti aldrei notað of mikið af kryddjurtum, bara of lítið. Ef þú setur bara smá er það bara liturinn sem breytist ekki bragðið.

 

Innihald í 100 gVatn 86 g
Næringargildi í 100 g
Orka199 kj
47 kcal
Fita1,1 g
Þar af mettuð0,10 g
Kolvetni4,8 g
Þar af sykurtegundir4,8 g
Trefjar2,1 g
Prótein3,5 g
Salt0,07 g
NV*
A vítamín499 µg62%
B1 vítamín0,19 mg17%
B2 vítamín0,43 mg31%
Níacín3,5 mg22%
B60,3 mg21%
Fólínsýra116 µg58%
C vítamín70 mg88%

* Hlutfall af næringarviðmiðunargildum

Uppskriftavefur

Hollar uppskriftir

Í samvinnu við helstu kokka landsins koma reglulega nýjar og hollar uppskriftir á uppskriftarvef Íslenskt.is. Fylgstu með og komdu þér í form.
Uppskriftavefur