Jar­arber GrŠnmetisdagatal - Jar­arber

Strawberries

Jar­arber

Jarðaberjaplönturnar eru jurtkendar fjölærar plöntur.   Plöntunum er fjölgað með græðlingum og þær oftast ræktaðar í eitt ár áður en þær fara að gefa ber.  Blómgreinar eru lagðar á strengi svo þær brotni ekki af plöntunni, berin geta verið mörg og þung á hverri blómgrein.

Notaðar eru býflugur til að frjóvga blómin og ýmis nytjadýr til að halda niðri meindýrum.

Berin eru brotin af greinunum. Fræin liggja í ysta lagi bersins.  Berin eru tínd daglega á uppskerutíma.  Berjatínsla byrjar í maí tínt er fram í september og jafnvel fram í október

Geymsla

Jarðarber geymast í 5 - 7 daga.  Kjörhiti er 4 - 8°C.  

Berin geymast vel í frysti.

Notkun

Jarðarber eru góð fersk í salatið, með kökunni, ísnum og rjómanum og ekki síst í bústið ýmist fersk eða frosin.  Eða bara ein og sér.  Svo má ekki gleyma að jarðarber eru afargóð í sultu.

Best er að borða þau ekki beint úr kæli, þau eru bragðsterkari ef þau eru ekki of köld.

Má frysta jarðarber ?

Já. Berin eru ýmist fryst þurr eða í sykurlegi; þíðið þau hægt eftir frystingu.
Ath! Mjög gott er að setja fryst, niðurskorin jarðarber í hina ýmsu boost-drykki og þeytinga Kemur í stað klaka og gefur betra bragð.

Hvaða hluta er hægt að borða ?

alla hluta

 

Næringartafla

Ætur hluti 95 %
Innihald í 100 g
Vatn 90 g
Orkurík efnasambönd
Prótein 0.9 g
Trefjar 2.2 g
Kolvetni 8.4 g
Fita 0.2 g
kj 164
kcal 39
Steinefni
Járn 1.0 mg
Kalk 30 mg
Vítamín
A Ret. ein 5 µg
B1 0.02 mg
B2 0.03 mg
Niacin 0.6 mg
C (askorbínsýra) 66 mg

Í jarðarberjum er mikið af mikilvægum steinefnum, einkum járni og kalki. Þau eru hitaeiningasnauð en innihalda einnig nokkuð af A-, B- og C-vítamíni. Ofnæmi gegn jarðarberjum er þekkt hjá fólki, en komast má hjá áhrifum með því að merja berin í gegnum sigti og bæta kalki saman við maukið.

Senda ß vin

Loka