SellerÝ GrŠnmetisdagatal - SellerÝ

Celery stalk

SellerÝ

Stilksellerí eða blaðsilla líkist steinselju enda sömu ættar. Sá þarf fræinu í mars í gróðurhúsi og er plantað út í byrjun júní.
 
Til að ná góðri uppskeru er best að planta henni í upphitað land og undir dúk sem er síðan tekin af þegar plönturnar eru komnar í góðan vöxt.
 

Stilksellerí geymist upprétt en í takmarkann tíma við > 2°C. Langmest er notað af því í Waldorfsalat með svínahamborgarahrygg á aðfangadagskvöld.

Geymsla

Besti geymsluhitinn er 0-2°C.  Sellerí er mjög geymsluþolið og sé það geymt í réttu hitastigi getur það geymst í rúmlega 2 vikur við kjöraðstæður. Sellerí hættir mjög til að tapa vatni og þar með þyngd og þarf því að vera í miklum raka. Passið því að geyma það í plasti eða þeim umbúðum sem það er selt í.

Notkun

Sellerí er afbragðsmegrunarfæði, ekki er mikil orka í máltíð sem samanstendur af sellerí, í kotasælu og tómatsafa. Einnig má hafa sellerí í allar gerðir af hrásalati, meðal annars er það mikilvægt hráefni í Waldorf-salat. Auk þess má sjóða eða smörsteikja en þannig bragðast það afar vel með lambakjöti eða fiski. Sellerí hefur þó nokkuð verið notað í ídýfur nú í seinni tíð.

Má frysta sellerí ?

Já, en ekki er víst að öllum líki það eftir frystingu ef það er notað í salat. Hins vegar heppnast frysting vel ef nota á sellerí í soðna rétti, þá er það snoggsoðið fyrir frystingu. Best er að sjóða það eða steikja um leið og það er tekin úr frystinum.
 

Hvaða hluta er hægt að borða ?

Blaðstilkarnir eru losaðir hver frá öðrum og ½ cm skorinn af hvorum enda. Ef styrktarvefurinn er mjög trefjakenndur er hann fjarlægður.

 

Næringartafla

Ætur hluti 75 %
Innihald í 100 g
Vatn 94g
Orkurík efnasambönd
Prótein 0.9 g
Trefjar 1.8 g
Kolvetni 3.1 g
Fita 0.1 g
kj 88
kcal 21
Steinefni
Járn 0.3 mg
Kalk 40 mg
Vítamín
A Ret. ein 18 µg
B1 0.03 mg
B2 0.03 mg
Niacin 0.3 mg
C (askorbínsýra) 9 mg

Sellerí er ríkt af trefjum, steinefnum og vítamínum en hitaeiningasnautt.

Senda ß vin

Loka