Rau­kßl GrŠnmetisdagatal - Rau­kßl

Red cabbage

Rau­kßl

Rauðkál er náskylt hvítkáli og er meginmunurinn fólgin í litnum en rauðkálið er ýmist rautt eða blárautt. Rauðkál er seinvaxið og þarf því að sá til þess snemma ef uppskera á að vera örugg. Megnið af framleiðslunni fer á markaðinn fyrir jólin. Algengt afbrigði er Primero.

Meðhöndlun

Besti geymsluhiti fyrir rauðkál er 0-5°C. Ef vel er passað upp á geymsluhitann getur rauðkál geymst í margar vikur. Samt þarf að passa að verja það fyrir dragsúg. Rauðkál þarf mikinn raka til að það þorni ekki upp og er því gott að geyma það í þeirri pakkningu sem það kemur í frá framleiðanda. Einnig verður að passa að pakka rauðkálinu vel inn í plast eftir að það hefur verið skorið niður til að það þorni síður upp.

Notkun

Rauðkál má nota hrátt og fínt skorið í salat eða út í súpu. Notið rauðkál soðið, smjörsteikt eða niðursoðið. Hafið ystu blöðin einnig með þar sem þau eru næringarríkust. Með hátíðarmat er gott að nota rauðkál sem soðið hefur verið með lauk og eplum og kryddað með ediki, sykri, salti og negul. Hæfilegt er að sjóða það í 10 – 15 mínútur ef það er fínt skorið. Ef kálið hefur verið geymt lengi þarf að nota meira vatn í suðuna, annars getur bragðið orðið beiskt.

Má frysta rauðkál ?

Þar sem ferskt rauðkál er bara á markaði hluta ársins er gott að grípa til þess að frysta það. Hreinsið kálið og fjarlægið stöngulinn. Skerið kálið í mjóa strimla og snöggsjóðið í 3 mínútur. Frystið það í plastpokum þegar það hefur kólnað. Hafið í huga að við frystingu rýrna bæði bragðgæði og næringargildi kálsins.

Hvaða hluta er hægt að borða ?

Allt rauðkál er ætt nema neðsti hluti stöngulsins.

Næringartafla

Ætur hluti 95 %
Innihald í 100 g
Vatn 91.7 g
Orkurík efnasambönd
Prótein 1.6 g
Trefjar 2.6 g
Kolvetni 3.2 g
Fita 0.2 g
kj 111
kcal 26
Steinefni
Járn 0.31 mg
Kalk 25 mg
Vítamín
A Ret. ein 1.25 µg
B1 0.065 mg
B2 0.050 mg
Niacin 0.6 mg
C (askorbínsýra) 50.6 mg

 

 

Senda ß vin

Loka