Spergilkálspasta

Með reyktum laxi

Höfundur: Nanna Rögnvaldardóttir

Innihaldslýsing:
  • 400 g íslenskt spergilkál

  • Salt

  • 350 g pasta, t.d. skeljar

  • 75-100 g reyktur lax

  • 2 egg

  • 3 msk rjómi, matreiðslurjómi eða mjólk

  • Nýmalaður pipar

Leiðbeiningar:

Spergilkálið snyrt, skipt í kvisti og soðið í saltvatni í 3-4 mínútur.

Pastað soðið í saltvatni þar til það er rétt tæplega meyrt, eða samkvæmt leiðbeiningum á umbúðum.

Laxinn skorinn í þunnar sneiðar og þær síðan í bita.

Egg, rjómi, pipar og salt þeytt saman í stórri skál.

Þegar pastað er soðið er látið renna af því í sigti og síðan er sjóðheitu pastanu hvolft beint í skálina, heitu spergilkáli bætt við og blandað vel.

Að lokum er laxinum blandað saman við.