Lambakebab me­ salati

me­ salati

Lambakebab me­ salati

700 g lamba- eða kindafillet
2 msk pestósósa, græn eða rauð
2-3 hvítlauksgeirar, pressaðir
5 msk ólífuolía
safi úr 1 sítrónu
nýmalaður pipar
salt
500 g konfekttómatar
300 g sveppir
6 pítubrauð
kínakál eða salatblöð
3-4 tómatar, saxaðir
½ gúrka, skorin í teninga
nokkur basilíkublöð, söxuð smátt
2 tsk rautt pestó



Kjötið skorið í þunnar sneiðar. Pestósósu, hvítlauk, 2 msk af olíu, sítrónusafa og pipar blandað saman í skál, kjötinu velt upp úr blöndunni og það látið standa í kæli í 1-2 klst. Þá eru sneiðarnar saltaðar og síðan þræddar upp á teina til skiptis við konfekttómata og sveppi. Penslað með kryddlegi og látið bíða á meðan grillið er hitað vel (einnig má nota grillpönnu). Kebab-pinnarnir grillaðir í um 3 mínútur á hvorri hlið, eða eftir smekk. Pítubrauðin pensluð með olíu (eða afganginum af kryddleginum) og grilluð á báðum hliðum þar til þau fara að taka lit. Skorin í geira. Kínakáls- eða salatblöðum dreift á fat. Tómat- og gúrkubitum blandað saman við afganginn af olíunni (3 msk), basilíku og pestó og hellt yfir salatblöðin. Kebab-pinnunum raðað ofan á.

Höfundur uppskriftar:
Nanna Rögnvaldardóttir

Senda ß vin

Loka