Gulrˇtabuff

me­ timian og koriander

Gulrˇtabuff

300 g íslenskar kartöflur
500 g íslenskar gulrætur
2 msk ólífuolía
1 egg
1-2 ívorlaukar, saxaðir smátt
1 msk ferskt timjan, saxað (einnig má nota basilíku)
1/2 tsk möluð kóríanderfræ
nýmalaður pipar
salt
hveiti eftir þörfum
olía til steikingar



Kartöflurnar soðnar þar til þær eru meyrar og á meðan eru gulræturnar rifnar fremur gróft. Kartöflurnar afhýddar og stappaðar með olíunni. Eggi, vorlauk, timjani og kóríander hrært saman við, kryddað nokkuð vel með pipar og salti, og síðan er rifnu gulrótunum blandað saman við. Nokkrum matskeiðum af hveiti hrært saman við – blandan á að vera svo þykk að hægt sé að móta buff úr henni með blautum höndum, en alls ekki of stíf. Olía hituð á stórri pönnu og hveiti stráð á disk. Um 2 cm þykk buff mótuð úr stöppunni, þeim velt upp úr hveiti og þau síðan steikt við meðalhita í 3-4 mínútur á hvorri hlið, eða þar til þau hafa tekið góðan lit. Borin fram með grænu salati og e.t.v. öðru grænmeti.

Höfundur uppskriftar:
Nanna Rögnvaldardóttir

Senda ß vin

Loka