Minestrone s˙pa

me­ bl÷ndu­u grŠnmeti

Minestrone s˙pa

2 msk olía
1 laukur, saxaður
1-2 hvítlauksgeirar, saxaðir smátt
2-3 gulrætur, þunnt sneiddar
2-3 sellerístönglar, þunnt sneiddir
2 paprikur, skornar í bita
500 g tómatar, saxaðir
1 msk ferskt timjan, saxað, eða 1 tsk þurrkað
nýmalaður pipar
salt
1 l vatn
1 msk grænmetiskraftur
250 g blómkál, saxað
250 g spergilkál, saxað
100 g pastaslaufur



Olían hituð í potti og laukur og hvítlaukur látinn krauma við meðalhita í smástund án þess að brúnast. Þá er gulrótum, selleríi, paprikum, tómötum, timjani, pipar og salti bætt út í og látið krauma í nokkrar mínútur. Vatni og grænmetiskrafti bætt í pottinn, hitað að suðu og látið malla í 15-20 mínútur undir loki. Blómkáli, spergilkáli og pasta bætt út í og látið malla í 8-10 mínútur í viðbót, eða þar til grænmetið og pastað er meyrt. Smakkað og bragðbætt með pipar og salti eftir smekk.

Höfundur uppskriftar:
Nanna Rögnvaldardóttir

Senda ß vin

Loka