Gúrkusalat

Hressir, bætir og kætir

Höfundur: Nanna Rögnvaldar

Innihaldslýsing:
  • 1 íslensk gúrka, lítil
  • 1 rauð íslensk paprika
  • 1 ferskur ananas
  • Nnefafylli af salatblöðum
  • 1 dós (180 g) hrein jógúrt
  • Nýmalaður pipar
  • Salt
Leiðbeiningar:

Frísklegt og flott salat, tilvalið á veisluborðið.

Gúrkurnar skornar í teninga og paprikan fræhreinsuð og skorin í litla bita.

Ananasinn skorinn í tvennt og skeljarnar síðan holaðar að innan.

Kjarninn (harði hlutinn í miðjunni) skorinn frá og hent en afgangurinn af ananasinum skorinn í litla bita.

Salatblöðin söxuð smátt.

Gúrku, papriku, ananas og salati blandað saman í skál og síðan er jógúrt, pipar og salti hrært saman við.

Ananasskeljarnar settar á fat og salatinu hrúgað í þær.