Rˇfutaco

me­ avˇkadˇyndi

Rˇfutaco

Rófutaco
með avókadóyndi og sýrðum kasjúrjóma

2 rófur, best að hafa þær frekar stórar
1 msk. sítrónusafi
1 msk. ólífuolía

Afhýða rófurnar og skera í þunnar sneiðar, best að nota mandólín. Hræra saman sítrónusafa og ólífuolíu og marínera rófurnar upp úr því í u.þ.b. 10 mínútur.

Avókadóyndi
2 avókadó, afhýdd og skorin í bita
2 msk. rauðlaukur, smátt saxaður – má nota vorlauk
2 msk. ferskur kóríander, saxaður
2 msk. límónusafi
1 stórt hvítlauksrif, pressað
½ tsk. salt
smá nýmalaður svartur pipar

Stappa avókadóið og hræra útí það rauðlauk, límónusafa og hvítlauk. Krydda með smá salti og nýmöluðum, svörtum pipar.

Sýrður kasjúrjómi
2 dl kasjúhnetur, lagðar í bleyti í 2 klst.
½ dl vatn
¼ dl límónusafi
1 msk. næringarger
1⁄8 tsk. hvítur pipar
¼ tsk. sjávarsalt

Allt sett í blandara þar til blandan er orðin silkimjúk. Ef þetta er of þykkt má þynna með smá vatni. Passið samt að setja ekki of mikið vatn því þá verður blandan of þunn.
Beygja rófusneiðina svo hún myndi U. Setja eitt salatblað í botninn, síðan 2-3 msk. af avókadóyndi og kasjúrjóma yfir. Gott er að strá smátt söxuðum kirsuberjatómötum yfir ásamt fínt skornum pekanhnetum.

Höfundur uppskriftar
Sólveig Eiríksdóttir

Sjá einnig fleiri uppskriftir og annan fróðleik á www.rofa.is

Senda ß vin

Loka