Rauðrófusúpa

Fennel og kúmen

Höfundur: Sigurveig Káradóttir

Innihaldslýsing:
  • 2-3 msk ólífuolía

  • 200 g laukur
  • 100 g sellerí

  • 100 g gulrætur

  • 50 ml hvítvínsedik

  • 2 ltr vatn/grænmetiskraftur/kjúklingakraftur

  • 1 kg rauðrófur

  • 1 msk kummin (cumin)

  • 1 msk fennelfræ

  • 3-4 lárviðarlauf

  • Sjávarsalt

  • Hvítur pipar

  • Sýrður rjómi ef vill

Leiðbeiningar:

Laukur, gulrætur og sellerí skorið fremur smátt og sett í pott ásamt ólífuolíu og ögn af sjávarsalti.
Haft á meðalhita þar til grænmetið hefur linast ögn.

Þá er hvítvínsediki bætt í pottinn og það látið gufa aðeins upp áður en vatninu/grænmetiskraftinum er bætt saman við.

Rauðrófurnar skornar í bita og þeim bætt í pottinn.
Það á að vera nægilegt vatn/kraftur til að fljóti yfir grænmetið.

Lárviðarlaufum, fennelfræjum og kúminfræjum bætt saman við ásamt örlitlu sjávarsalti og hvítum pipar. Látið krauma þar til grænmetið er orðið vel soðið.

Þá eru lárviðarlaufin veidd úr og súpan maukuð.

Smökkuð til með salti og pipar ef þarf.

Borið fram með sýrðum rjóma ef vill.