Linsubaunasúpa

Með grænmeti

Höfundur: Nanna Rögnvaldardóttir

Innihaldslýsing:
  • 2-3 msk ólífuolía
  • 250 g  laukur
  • 200 g gulrætur
  • 100 g sellerí
  • 200 g rauð paprika
  • 3 – 4 hvítlauksrif
  • 2 græn chili
  • 2 rauð chili
  • 50 ml hvítvín eða hvítvínsedik
  • 1 1/2 – 2 ltr kjúklingakraftur/grænmetiskraftur
  • 3-4 lárviðarlauf
  • 250 g rauðar linsubaunir
  • 2-3  tsk túrmerik
  • 1 búnt smátt söxuð steinselja
Leiðbeiningar:

Laukur, gulrætur og sellerí skorið í meðalstóra bita.
Sett í pott ásamt ólífuolíunni og örlitlu sjávarsalti og leyft að glærast aðeins.

Þá er mjög smátt söxuðum hvítlauk, grænu og rauðu chili bætt út í og leyft að malla í 1 – 2 mínútur í viðbót.

Loks er hvítvíninu/hvítvínsedikinu bætt saman við.
Þegar það hefur að mestu gufað upp, er kraftinum bætt saman við ásamt lárviðarlaufunum.

Því næst er rauðu linsubaununum bætt í pottinn ásamt túrmerik, hvítum pipar og ögn af sjávarsalti.

Leyft að malla í 15 – 20 mínútur, eða þar til baunirnar og grænmetið er fullsoðið.

Ef til er kjúklingur eða annað kjöt frá deginum áður, er tilvalið að bæta því í súpuna.

Best er að bæta því saman við þegar súpan er nokkurn veginn tilbúin og passa að það hitni vel í gegn.