Heitt kartöflusalat
Með sellerí og beikon
Höfundur: Nanna Rögnvaldardóttir
Innihaldslýsing:
- 500 g kartöflur, helst litlar
- 100 g beikon
- 3 msk ólífuolía
- 1 stöngull sellerí
- Nýmalaður pipar
- E.t.v. salt
- 1 msk vínedik
- 1 tsk dijon-sinnep
- 2 msk rauðlaukur, saxaður smátt
Leiðbeiningar:
Sjóddu kartöflurnar þar til þær eru nærri alveg meyrar.
Helltu þá vatninu af þeim og skerðu þær í helminga eða fjórðunga, eftir stærð.
Skerðu beikonsneiðarnar í bita og steiktu það á pönnu þar til það er stökkt. Taktu það þá af með gataspaða og settu í skál.
Bættu olíu á pönnuna og settu kartöflurnar á hana. Steiktu þær við góðan hita í nokkrar mínútur. Lækkaðu þá hitann, bættu mestöllu selleríinu á pönnuna, kryddaðu með pipar og svolitlu salti og láttu krauma í nokkrar mínútur í viðbót; hrærðu oft í kartöflunum.
Taktu þær svo upp með gataspaða og settu í skálina með beikoninu. Helltu feitinni af pönnunni í litla skál og þeyttu ediki, sinnepi og rauðlauk saman við.
Helltu yfir kartöflurnar, bættu við afganginum af selleríinu og blandaðu vel.
Sjá nánar
