Heilsa og lÝfstÝll

┴ramˇtaheit til framtÝ­ar

┴ramˇtaheit til framtÝ­ar
Ætli algengasta áramótaheitið sé ekki “að hætta að reykja” eða “að missa nokkur kíló”. Það er gott og blessað að setja sér áramótaheit um bætta hegðun varðandi heilsuna.
En hvernig væri að gera sér markmið sem er ótímabundið. Makrmið um að breyta um lífsstíl. Væri ekki frábært að þurfa ekki að setja sér sama markmið ár eftir ár. Þurfa ekki að missa mörg kíló eða styrkja sig heldur halda frekar sama lífsstíl. Er það ekki það sem við viljum öll.
 
Ekki gefast upp
Flestir drífa sig í leikfimi á fyrstu vikum ársins en eru svo hættir að mæta þegar líður á vorið. Helsta ástæða þess er sú, að fólk byrjar of geyst og ætlar að sigra vandann á nokkrum vikum. Síðan kemur í ljós að kílóin fara ekki af eins hratt eins og maður hafði gert ráð fyrir og þá hætta flestir að hreyfa sig og líkamsræktarkortið rykfellur ofan í skúffu.
 
Þegar við byrjum að hreyfa okkur gerist svo margt í líkamanum. Vöðvarnir fara að þyngjast og þar sem vöðvar eru þyngri en fita sést árangurinn ekki á vigtinni strax. Samt er heilmikið að gerast og því er um að gera að þrauka. Árangursríkari leið til að fylgjast með breytingum er að fá fitumælingu. Á þann hátt er auðveldara að fylgjast með því hvort fitan sé á undanhaldi. Ef mælingin sýnir lægri tölu þrátt fyrir þyngdaraukningu vitum við að við erum á réttri leið.
 
Mikilvæg er að byrja rólega svo minni hætta sé á að gefist sé upp. Æfing 3svar í viku er nóg til að byrja með. Svo þegar það er komið upp í vana en hægt að bæta við skiptum. Einnig er auðvitað mjög mikilvægt að sneiða hjá óhollu matarræði þar sem matarræðið skiptir mjög miklu máli þegar vilji er til að missa aukakílóin. Þegar óhollustunni er sleppt gerast hlutirnir miklu hraðar. Samt má ekki sleppa því að borða. Alls ekki. Best er að borða 5-6 sinnum á dag en minnka matarskammtana. Í stað þess að fá sér stóra máltíðir er betra að hafa þær minni og fleiri. Þar með er líkaminn í stöðugri brennslu og sleppir því að setja í “spargírinn” sem hægir á brennslunni. Við viljum hraða brennslu til að minnka fituna. Stærri vöðvar brenna meiru og því er hreyfingin mikilvæg til að stækka vöðvana.
Ef við byrjum að hreyfa okkur en tökum mataræðið ekkert í gegn þá eru líka meiri líkur á að við gefumst upp þar sem árangurinn lætur á sér standa.
 
Það munu koma dagar og vikur eftir að ákvörðun um breytt líferni hefst þar sem hreyfingu er sleppt vegna ýmissa ástæðna. Þá er oft mjög erfitt að sparka sér í gang aftur. Þegar það gerist eru mestar líkur á uppgjöf.
Takið bara fyrir einn dag í einu. Í DAG skiptir máli að hreyfa sig og það breytir engu þótt þú hafir ekki gert neitt í gær. Gærdagurinn er farinn og ekkert hægt að breyta honum. En dagurinn í dag er nýr og við byrjum bara aftur í DAG en ekki á morgun.
 
Höf:
Alma María Rögnvaldsdóttir
Til baka Senda ß vin

Senda ß vin

Loka