Helga og Gu­jˇn

Guðjón Birgisson og kona hans Sigríður Helga Karlsdóttir eru garðyrkjubændur á Melum á Flúðum. Bæði Guðjón og Helga eru alin upp við garðyrkju og grænmetisrækt en Guðjón kynntist grænmetisræktun í Garði Hrunamannahreppi, þangað sem hann fór í sveit á hverju sumri frá tólf ára aldri. Helga og Guðjón byggðu fyrsta gróðurhúsið árið 1980.

Í dag rækta þau tómata og gúrkur allt árið um kring með fullkominni tækni á vistvænan hátt. þau rækta 4 tegundir af tómötum, þá hefðbundnu, konfekttómata og litla og stóra heilsutómata. Heilsutómatana hafa þau ræktað frá árinu 2005 eftir að hafa kynnst ræktun þeirra í Hollandi. Heilsutómatar eru bragðmeiri en venjulegir tómatar og hollari þar sem í þeim er þrefalt meira magn af andoxunarefninu lýkópen, en rannsóknir benda til að lýkópen veiti vörn   gegn hjartasjúkdómum og  krabbameini. Í allt er ræktað á 5000 fermetrum og framleiða þau rúmlega 300 tonn á ári.

Auk tómatanna er útirækt á Melum. Þar er ræktað kínakál, blómkál, brokkólí,salat, hnúðkál ásamt fleiri tegundum. Gæði og ferskleiki eru höfð í fyrirrúmi á Melum og er þannig allt grænmetið handplantað og síðan handtínt og skorið, og sérvalið í neytendapakkningar.  Það fer svo samdægurs til neytenda og frá Melum fara daglegar sendingar.

Ræktunin á Melum er vistvæn sem felur í sér að býflugur sjá um að frjóvga tómataplönturnar og engin eiturefni eru notuð á grænmetið en lífrænum vörnum beitt í baráttu við meindýr. Græn orka er höfð í fyrirrúmi, notaðar eru  auðlindir jarðar við garðyrkjuna. Grænmetið á Melum er meðal annars ræktað í vikri frá Heklu, vökvað er með ferskvatni, því sama og heimilin drekka í Hrunamannahreppi.  Gróðurhúsin eru hituð upp með heitu vatni sem nóg er af í jörðu, einnig kemur kolsýran úr jörðu og rafmagn úr fallvötnum. 

Garðyrkjubændurnir á Melum eru stoltir ræktendur sem geta státað af besta grænmeti sem völ er á.

Smellið á myndirnar til að stækka þær og skoða betur

Senda ß vin

Loka